ONEDETIK.COM
oleh : Novri Investigasi
Basalimuik kabuik Gunuang Marapi
Tagak sabarih jo Gunuang Singgalang
Tasabuik Fauzi Bahar Datuk Nan Sati
Duo priode mamimpin Kota Padang
Pasia Puruih bahombak gadang
Ombak mamacah sampai katapian
Samaso mamimpin Kota Padang
Iman jo tagwa jadi sandaran
Alek gadang di Pasisia Selatan
Sairing saluang nan jo rabab
Pasantren ramadhan nan ditagak an
Subuh Mubarakah sarato jilbab
Muaro Padang ba Kota Tuo
Jambatan Sitinurbaya tagak manjago
Katiko gampo datang malando
Manyalamaik an warga basabuang nyawo
Rami urang di Pantai Aia Manih
Malihek batu Malin Kundang
Maksiat jo togel dikikih habih
Indak paduli banyak nan manyarang
Batang Arau jo Bukik gado gado
Balingka bukik babateh jurang
Manjago Adaik jo Sarak sandi agamo
SKB tigo menteri nan dihadang
Ranah Pasisia bawisata alami
Tasabuik juo kawasan mandeh
Baitu bana manjago nagari
Antah jo apo jaso ka di baleh
Danau Singkarak ba aia tanang
Gunuang Talang tinggi manjulang
Cando ninikmamak di rumah gadang
Kini Ketua LKAAM di Ranah Minang
Alahan Panjang ba danau kembar
Ba udaro sajuak janiah aianyo
Taniek hati ka mambangun Sumbar
Sapakaik kito maanjuangan basamo
Red)
